Hotstar ல் ஐஸ்வர்யா தனுஷ் இயக்கிய சினிமா வீரன் டாக்குமெண்டிரி பார்த்தேன்.சூப்பர் ஸ்டார் voice over கொடுத்திருக்கிறார்.சினிமாவில் இருக்கும் 24 கிராப்ட்டில் ஸ்டண்ட் டைரக்டர்,ஸ்டன்ட் கலைஞர்களின் பங்களிப்பு மிகப்பெரியது.ஆனால்,அவர்களுக்கு என்று எந்த அங்கீகாரமும் இல்லை.இன்சூரன்சு கூடக் கிடையாது.எத்தனையோ ஸ்டண்ட் கலைஞர்கள் படப்பிடிப்பில் இறந்திருக்கிறார்கள்அவர்களின் படங்கள் ஸ்டண்ட் யூனியன் சுவர் முழுக்க மாட்டப்பட்டிருக்கிறது.அவர்களின் துயரங்களை சோகத்துடன் பகிர்ந்துகொள்கிறார் பெப்சி விஜயன்.புலியுடன் சண்டையிட்ட ஒரு புலிக்கலைஞர் படப்பிடிப்பில் இறந்தபோது,அவரை அடக்கம் செய்யக்கூட காசு இல்லாமல் தவித்திருக்கிறார்கள்.அந்த பாதிப்புக்குப் பின் உருவானதுதான் ‘ஸ்டண்ட் யூனியன்’.ஜூடோ ரத்தினம்,ஸ்டன் சில்வா,பீட்டர் ஹெய்ன் போன்ற ஸ்டண்ட் மாஸ்டர்கள் எப்படி மயிர்க்கூச்செரியும் சண்டைக்காட்சிகளில் நடித்தார்கள் என்பதை விவரிக்கும் போது,இது எவ்வளவு ஆபத்தான தொழில் என்பது புரிகிறது. ஸ்டன்ட் என்பது மரணத்தோடு ஒரு கலைஞன் விளையாடும் விளையாட்டு.அதில் பிழைத்துக்கொள்பவர்கள் அடையாளம் காணப்படுகிறார்கள்.அகால மரணம் அடைந்தவர்கள் குடும்பமே அடையாளம் தொலைத்து,சோகத்தில் மூழ்குகிறது.சினிமாவீரன் பார்த்துமுடிக்கையில் கண்ணோரம் ஈரம் கசிகிறது.